Slane at the Feild of Flowdane

Sir Duncan Campbell, 2nd Laird of Glenorchy (1455-1513), as depicted in the <em>Black Book of Taymouth</em>. Sir Duncan was buried not at Kilmartin, as the caption indicates, but alongside his kinsman, Archibald Campbell, 2nd Earl of Argyll, at Kilmun, as in the text below.
Sir Duncan Campbell, 2nd Laird of Glenorchy (1455-1513), as depicted in the Black Book of Taymouth. Sir Duncan was buried not at Kilmartin, as the caption indicates, but alongside his kinsman, Archibald Campbell, 2nd Earl of Argyll, at Kilmun, as in the text below.

Sir Duncane Campbell, eldast and lauchfull sone to the foirsaid Sir Colene, succedit secund laird of Glenvrquhay, as said is.

The said Sir Duncane mareit Margaret Dowglas dochtir lauchfull to the Erle of Angus, on quhome he begat thre sones: The eldast callit Sir Colene: The second namit Archbald: The thrid Patrik, quha deit being ane young man in the Ile Badchelich: And ane dochtir callit Elizabeth Campbell, quha wes mareit on the laird of Monivaird.

The said Sir Duncane eftir the deceis of his said first wyffe he mareit Margaret Moncreiff, dochtir to the laird of Moncreiff, on quhome he begat ane sone callit Maister Jhone Campbell (quha wes secund bischope of the Iles of the hows of Glenvrquhay), and tua dochtiris: The eldar callit Katherine Campbell, quha wes mareit on the laird of Tullibardin: The other nameit Annabill Campbell, quha wes mareit on the laird of Merchistoun.

The said Sir Duncane levit laird threttie thre yeiris, induring the quhilk tyme he obtenit tackis of the Kingis landis in Braidalbane, and of the thee Chartirhows landis lyand within the same, the takis of the tuelf markland of Cranduich.

Item, he conquesit the heretable tytill of the baronie of Finlarg: Quhilkis takis and heretabill conques for said, togidder with the bailyerie of Discheoir, Toyer, and Glenlyoun, tane of the King, he annexit to the hows.

Item, he conquesit the threscoir markland of the baronie of Glenlyoun, quhilk he gaiff to his secund sone Archbald Campbell forsaid, togidder with the twenty-four markland of the thrid of Lorne, quhilk he tuke fra the hows.

Item, he conquesit the eight markland of Scheane in Glenquoich, quhilkis he gaiff to his brother Jhone Campbell of Lawiris, to be haldin of the hows.

Item, the said Sir Duncane excambit the thrid of the landis of Dolour and Aucharnsyde, etc., with the landis of Kilbryde lyand on the side of Lochfyne.

The said Sir Duncane biggit the laich hall of Glenvrquhay; the great hall, chapell, and chalmeris, in the Ile of Lochtay.

The said Sir Duncane was slane at the feild of Flowdane, with King James the ferd, the 9 of September anno 1513.

And wes bureit with his chief Archbald Campbell then Erle of Ergyle in Kilmown, because in the forsaid field that deit valiantlie togidder.

Black Book of Taymouth.

Curator: Christian Clay Columba Campbell

Christian Clay Columba Campbell is a Roman Catholic of the Anglican Use. As Senior Warden of the Cathedral of the Incarnation (Orlando, FL), he organised the process by which the parish accepted the Apostolic Constitution Anglicanorum coetibus, petitioning to join the Catholic Church. The Anglican Cathedral is now the Church of the Incarnation in the Personal Ordinariate of the Chair of St. Peter. Personal queries should be directed to me at eccentricbliss dot com.

Leave a Reply