Colin Campbell, 6th Laird of Glenorchy

Colin Campbell, 6th Laird of Glenorchy.
Colin Campbell, 6th Laird of Glenorchy.

Interfectio et decapitatio Duncani McGregor et filiorum eius videlicet Gregorii et Malcomi Roy, per Colinum Campbell de Glenurqhay et per Duncanum Roy Campbell de Glenlyon et Alexandrum Menzheis de Rannoch cum suis complicibus. Chronicle of Fortingall.

Colene Campbell, brother germane to the forsaidis Duncane and Jhone, succedit, as said is, sext laird of Glenvrquhay.

The said Colene mareit befoir he succedit laird of Glenvrquhay Margaret Stewart, (dochtir to Bischop Alexander Stewart,) lady coniunct fear off Inchebraky, on quhome he begat tua dochteris: The eldar callit Beatrix Campbell, quha wes mareit on Sir Jhone Campbell of Lawiris: The vther namit Margaret Campbell, quha wes mareit on M’Cowle of Ragray in Lorne.

The said Colene, eftir the deceis of the said Margaret his first wyffe, succeding laird of Glenvrquhay, mareit Katherine Ruthwen, dochtir vntill Williame Lord Ruthuen, on quhome he begatt four sones: The eldest callit Sir Duncane, quha eftir succedit laird: The secund namit Colene: The thrid Maister Patrik, quha deceissit in his flouris: The fourt Archbald: And four dochteris, the eldest callit Margaret Campbell, quha in hir parentis tyme wes mareit on the Erle of Glencarne: The secund Katherine, quha deit in her yowtheid: The thrid Marie: The fourt Annas, bayth mareit be thair eldest brother, as in the awin place salbe schawin.

The said Colene was laird induring the space of threttie thre yeiris, in the quhilk tyme he conquesit the few of the Kingis landis and Chartirhows landis in Braydalbane, the takis quhairoff his predicessouris obtenit as is abone writtin. Item, he conquesit the ten markland of Auchlyne, Easter Ardchyllie, and Dowinche, togidder with the superioritie of M’Nab his haill landis. Item, he conquesit the superioritie of the tuentie markland of Stronmeloquhan in Glenvrquhay. Item, he cost ane auld ludging in Perthe: quhilkis conques and superiorities forsaidis as yit remains with the hows.

Item, he conquesit the tuentie pund land of Edinambill; item, the fyve pund land of Edinkip vnder reuersioun; item, the aucht markland of Kingartt; quhilkis, with the tuelff markland of Ardbeich, and takis of the land of Cranduich foirsaidis tane frome the hows, he bestowit on his secund sone Colene.

Item, he bestwoit on his thrid sone Maister Patrik the tuelff markland of Auchinryre, Condalict, and Drumnavoke, the eight markland of Auchnacroscre, Penniefurt, Tirewin, and Killen, all lyand in Lorne. But, the said Maister Patrik departing this lyfe but lauchfull airis of his awin body, the saidis landis returnit to the hows.

The said Colene in his tyme biggit the castell of Balloch, the castell of Edinambill in Buchquhidder, the haill ludging of Perth within the closs, the four Kirnellis of the castell of Ilankeilquhirne in Glenvrquhay, and the north chalmeris thairoff.

Memorandum. He was ane great justiciar all his tyme, throch the quhilk he sustenit thee deidlie feid of the Clangregour ane lang space. And, besydis that he caused executt to the death mony notable lymmaris, he beheiddit the laird off M’Gregour himselff at Kandmoir in presens of the Erle of Atholl, the justice clerk, and sundrie vther nobillmen.

The said Colene departit this lyffe the ellevint of Apryle anno 1583 in Balloch.

And was honorablie bureit in the chapell off Finlarg foirsaid.

The Black Book of Taymouth.

Curator: Christian Clay Columba Campbell

Christian Clay Columba Campbell is a Roman Catholic of the Anglican Use. As Senior Warden of the Cathedral of the Incarnation (Orlando, FL), he organised the process by which the parish accepted the Apostolic Constitution Anglicanorum coetibus, petitioning to join the Catholic Church. The Anglican Cathedral is now the Church of the Incarnation in the Personal Ordinariate of the Chair of St. Peter. Personal queries should be directed to me at eccentricbliss dot com.

One thought on “Colin Campbell, 6th Laird of Glenorchy”

Leave a Reply

This site uses Akismet to reduce spam. Learn how your comment data is processed.