
Abraham pater vester exsultavit ut videret diem meum: vidit, et gavisus est.
St. John, viii. 56.
Veteris Testamenti oeconomia ad hoc potissimum disposita erat, ut Christi universorum redemptoris Regnique Messianici adventum praepararet, prophetice nuntiaret et variis typis significaret. Deus igitur librorum utriusque Testamenti inspirator et auctor, ita sapienter disposuit, ut Novum in Vetere lateret et in Novo Vetus pateret. Nam, etsi Christus in sanguine suo Novum Foedus condidit, libri tamen Veteris Testamenti integri in praeconio evangelico assumpti, in Novo Testamento significationem suam completam acquirunt et ostendunt, illudque vicissim illuminant et explicant.
Dei verbum, IV, capp. 15, 16.