Apud Edinburgh, xxj May, anno 1m vc lxvij.
The quhilk day, in presens of the lordis of secreit counsale, comperit Maistir Lauchlane Macklane, and made fayth, that he neuer obtenit licence of oure souerane ladie to pas to Rome for purchessing and impetratioun of the Bischoprick of the Ilis, nor na vther benefices pertening to Maister Johnne Carswell, bischope of the Ilis, nor neuir purchest the said bischoprick, nor the abbacie of Ycolmkill, or vtheris benefices in ony tyme bigane. Alwayes, for the mair aboundance, he renunces, ouergevis, and dischargeis, simpliciter, all rycht, titill, intres, and clame of rycht quhilk he hes, or can ony wayes pretend or clame, to the said bischoprick or vtheris the said Maister Johnnes benefices. Ratifeand and apprevand the rychtis and titillis maid to the said Maister Johnne of the samyn, be thir presentis, and sall neuir vex nor molest the said Maister Johnne in the peciabill broukinig and posseding of the said bischoprick and vtheris his benefices, move nor intent actioun, pley, nor questioun aganis him for the samyn during his liftyme. Quhairfoir the quenis maiestie, with adviss of the lordis of hir secreit counsale, suspendis, simpliciter, the lettres purchest of the aduocattis instance aganis the said Maister Lauchlane Makclane, denunceing him rebell and putting him to the horne, in defalt of finding of souerte to vnderly the law in the tolbuyth of Edinburgh vponn the xvij day of Aprile last bipast, for his passing furth of this realme, nocht intimatand the caus of his passing to his ordinar, nor how he maid his fynance, and als be ressoun of his noncomperance the said xvij day; and ordanis ane masser or vther officiar to relax the said Maister Lauchlane fra the proces of horning led vpouu him in the said mater, and to gif him the wand of peace, and that lettres be direct heirvpoun in deu forme, as effeirs.
— Registrum Secreti Concilii, acta, vol. from March 1563 to June 1567, fo. 274.